नारायणगढ–मुग्लिन सतकखण्ड संचालनय् वल

येँ – चितवनया नारायणगढ–मुग्लिन सतकखण्ड संचालनय् वःगु दु । उगु सतकखण्ड अन्तर्गत घुमाउने धइगु थासय् पहाड तछ्यायेगु झ्वलय् लुया वःगु जोखिमयुक्त ल्वहंया कारणं सवारी आवागमन बन्द यानातःगु खःसा आः बहनि ८ बजे निसें हाकनं संचालनय् हःगु दु । जोखिमयुक्त ल्वहंया कारणं क्वःछिनातःगु ई स्वयां प्यघौ अप्वः सतक बन्द यायेमःगु खः । गुकिं यानाः यातायात संचालन प्रभावित जुल ।

सुथय् १० निसें सनिलया ४ ताःईतक सतक बन्द यानाः अंगः तछ्यायेगु ज्या शुरु याःसां घुमाउने धइगु थासय् जोखिमयुक्त ल्वहंया कारणं बहनि ८ ताः ईतक सतक बन्द यानाः ज्या यायेमाःगु खः । ल्वहं लुया वये धुंकाः नं उकियात चिइकेत ई काःगुलिं क्वःछिनातःगु ई स्वयां प्यघौ लिबाक सवारी संचालनय् वःगु चितवनस्थित ट्राफिक प्रहरी ज्याकुथिं जानकारी बिउगु दु ।