केन्द्रीय विभागया प्रमुखय् डा. राजनलाल जोशी

येँ – नेपालभाषा केन्द्रीय विभागया प्रमुखय् सह प्राध्यापक डा. राजनलाल (रास) जोशी नियुक्त जुयादीगु दु । सह प्राध्यापक जोशीं सोमवाः हे विभाग प्रमुखया पदभार लःल्हाना कयादीगु खः। वय्कः ताःई न्ह्यवंनिसें नेपालभाषा केन्द्रीय विभागय् प्राध्यापन याना वयाच्वनादीम्ह खः । केन्द्रीय विभागया ज्याकू पाटन क्याम्पसय् दु ।

नेपालभाषा न्हिपौ ‘विश्वभूमि’पाखें पत्रकारिता सुरु यानादीम्ह वय्कःया तःगू हे अनुसन्धानात्मक सफू, उपन्यास, चिनाखँ पिहां वयेधुंकूगु दु । विभाग प्रमुख जोशीं थःगु मू प्राथमिकता नेवाः भाय्, कला, संस्कृति, साहित्यया अध्ययन अनुसन्धान याइपिं न्हूपुस्ता तयार यायेगुनिसें अध्ययन अनुसन्धानया ज्या न्ह्याकायंकेगु जुइ धयादीगु दु ।

सम्बन्धित बुखँ

LEAVE YOUR COMMENTS