लाइसेन्स आवेदन स्थगित

येँ – यातायात व्यवस्था विभागं थनिंनिसें लाइसेन्सया अनलाइन आवेदन कायेगु ज्या स्थगित याःगु दु । विभागया कथं म्हिग तक लाःगु अनलाइन आवेदन सिधयेकेगु नितिं अनलाइन आवेदन स्थगित याःगु खः । आः थ्यंमथ्यं लछिया नितिं अनलाइन आवेदन बन्द जुइ । थौं तकया दुने ३ निसें ४ लाख म्हेस्यां अनलाइन आवेदन बियातःगु दु ।

उगु आवेदनया ज्या क्वचायेधुंकाः जक मेगु अनलाइन आवेदन कायेगु ज्या जुइ । विभागं आः छवाः दुने हे पाः वइ कथं न्हूगु आवेदन प्रणाली चायेकेगु ग्वसाः यानाच्वंगु खँ सीदुगु दु । अनलाइन आवेदन बिउपिं मध्ये ४० प्रतिशत जक प्रक्रिया नितिं यातायात कार्यालय वनाच्वंगु दु ।