पीनिदँ लिपा हाकनं द्यः थापं

किपू – किपू नगरपालिकाया ग्वसालय् कर्मचारीतय् निंतिं निन्हुयंकंया क्षमता अभिवृद्धि ज्याझ्वः जुल । थ्व हे वंगु माघ २१ व २२ गते निन्हुयंकं जूगु उगु ज्याझ्वः धौख्यलय् च्वंगु होटल सारथीइ जूगु खः ।

किपू नगरपालिकाया प्रमुख रमेश महर्जनं ज्याझ्वःया उलेज्या यानादीगु खः । ज्याझ्वःया उलेज्या यासें नगर प्रमुख महर्जनं किपू नगरपालिकायात न्ह्यःने यंकेत नगरपालिकायात प्रविधिमैत्री दयेकेगु योजनालिसें न्ह्याः वनाच्वनागु जानकारी बियादिसें थुकियात तिबः जुइकथं नगरपालिकाय् पञ्जीकरण लगायत सकतां ज्याया नापं नगरपालिकां उपलब्ध याइगु दक्वं सिफारिसयात अनलनाइनपाखे सेवाग्राहीयात उलब्ध याकेगु जुइ धयादिल । लिसें वय्कलं अनलाइनपाखें सेवाग्राहीयात सिफारिस उपलब्ध याकेत सफ्टवेयरया बारे जानकारी बीत प्रशिक्षण संचालन यानागु नं जानकारी बियादिल ।
सफ्टवेयर संचालनय् वल कि कर्मचारीत नं ज्याकू ई धकाः सुथसिया १० ताः इलंनिसें सनिलया ५ ताःईतक हे च्वना च्वनेमालीगु बाध्यता दइमखु धासें थः न्ह्याथाय् जूसां नं सेवाग्राहीं छ्वया हःगु खँ अनलाइनय् वइगु जूगुलिं थःगु ईकथं ल्वयेक संबोधन याये फइ धयादिल ।

अथे हे सेवाग्राहीं नं थःत माःगु सिफारिसत अनलाइनपाखें हे प्राप्त याये फइगु जूगुलिं थःगु हे मोबाइल वा कम्प्युटरपाखें प्राप्त याये फइगु वय्कःया धापू दु ।  ज्याझ्वलय् लसकुस यासें उपप्रमुख सरस्वती खड्कां प्राविधिक विषयय् नं कर्मचारीया क्षमता अभिवृद्धि यायेगु ल्याखं ज्याझ्वः ग्वसाः ग्वयागु जूगुलिं थम्हं सयेकागु प्राविधिक खँ किपू नगरपालिकाय् कार्यान्वययन निंतिं न्ह्यःने यंकेत बांलाक सयेकेत इनाप यानादिल ।

ज्याझ्वःया निन्हुया न्हिकुन्हु नेपाल नगरपालिका संघया अध्यक्षलिसें धौख्यः नगरपालिकाया प्रमुख अशोक ब्याञ्जु श्रेष्ठं नगरपालिकाया जनप्रतिनिधि व कर्मचारी दथुइ दयेमाःगु गुण, व भूमिकाया विषययात कयाः थःगु धारणा तयादीगु खः।

कर्मचारीत धइपिं मात्र कर्मचारी मखसे मुक्कं राष्ट्र निर्माणया हे अभिन्न अ· जूगु विचाः तयादिसें वय्कलं मनूत धइपिं उर्जावान जुइमाःगु व ल्याय्म्हत् शक्तिपाखें हे देशं हिउपाः काइगु विचाः प्वंकादिल ।
ज्याझ्वलय् किपू नगरपालिका प्रमुख महर्जनं वइगु फागुन १ गतेनिसें नगर पालिकाय् आधिकारिक रुपय् अनलाइन सेवात ज्याकू प्रयोजनया निंतिं छ्यलाबुलाय् हयेगु घोषणा नं यानादीगु खः ।

सम्बन्धित बुखँ

LEAVE YOUR COMMENTS