ने. सं. ११४६ चाैलाथ्व चतुर्दशी -

स्मार्ट सिटीया विरोध

येँ – स्वनिगःया स्वंगू थासय् सरकारं स्मार्ट सिटी दयेकेत डीपीआर तयार याःगु खँयात समाजवादी नेवाः संघं विरोध याःगु दु । संघया अध्यक्ष सत्यनारायण डंगोल व महासचिव सुरेश खड्गीं म्हिगः प्रेश विज्ञप्ति जारी यासें देय् संघीयताय् वनेधुंकूगु अवस्थाय् संघीयताया मर्म अःखः हःगु सरकारी नीति कार्यान्वयन याये न्ह्यः सम्बन्धित समुदायया स्वीकृति कायेत माग यानातःगु दु ।

अथे हे प्रेस विज्ञप्तिइ अत्यधिक आप्रवासन, सतक विस्तार, फास्ट ट्राय्क व ड्राइपोर्टया नामं स्वनिगलय् विकास मखुसें विनाश हइ धासें सरकारया थज्याःगु ज्याया विरोध यायेगु निंतिं आन्दोलन यानाच्वंपिं सकसितं केन्द्रीकृत आन्दोलन यायेमाःगु खँ नं धयातःगु दु ।