चैत २० गते माधवबारे फैसला

येँ – सर्वोच्च अदालतं नेकपा (एकीकृत समाजवादी) या अध्यक्ष माधव नेपाल सहित झिंप्यम्ह सांसदया वैधानिकता सम्बन्धी मुद्दाय् चैत २० गते छक्वलं सुनुवाइ याइगु जूगु दु । न्यायाधीशपिं ईश्वर खतिवडा व कुमार रेग्मीया मंकाः इजलासं उगु मुद्दाया लिखित लिसः वयेधुंकूगुलिं म्हिगः अन्तिम सुनुवाइया नितिं आदेश बिउगु खः ।

एमालेया अध्यक्ष केपी ओलीं उगु रिट दायर याःगु खः । नेपाल सहित झिंप्यम्ह सांसदयात पार्टीं याःगु कारबाही कार्यान्वयन मजू धइगु थ्वहे खँयात ज्वनाः एमालें वंगु खुला न्ह्यवंनिसें संसद अवरुद्ध याना वयाच्वंगु दु ।

एमालें थ्व रिटय् अन्तरिम आदेश जूसां जारी जुइमाः धकाः माग याना वयाच्वंगु खः । तर मुद्दाया फुक्कं अंग गायेधुंकूगुलिं अन्तिम फैसला जुइ कथं सर्वोच्चं आदेश बिउगु खः । चैत २० गते पूर्ण सुनुवाइ जुइ । ओली पक्षधर वकिलतय्सं म्हिगः हे थुकिया सुनुवाइ यायेमाः धकाः नं माग याःगु खःसां न्यायाधीशतय्सं ई लिछ्याःगु खः ।

एमालें ‘निशाना’ यानातःपिं थ्व १४ म्ह सांसदया पद खारेज जुल धाःसा नेकपा (एस) या अस्तित्व खतराय् लाइगु जक मखुसें वर्तमान सरकारया समीकरण तकं स्यनीगु अवस्था वयेफु ।

सम्बन्धित बुखँ

LEAVE YOUR COMMENTS