सलमान खानयात न्यादँया जेल सजाय

भारतया छगू अदालतं बलिउड अभिनेता सलमान खानयात न्यादँया जेल सजाय न्यंकूगु दु । नीदँ न्ह्यव दुर्लभ वन्यजन्तया शिकार याःगु द्वपनय् न्यादँया जेल सजाय न्यंकूगु खः ।
सन् १९९८ य् हम साथ साथ हे फिल्मया सुटिङया इलय् समालनं राजस्थानया जंगलय् निम्ह कृष्णसार स्याःगु खः । थ्वहे द्वपनय् वयात न्यादँया जेल सजाय न्यंकूगु खः ।
अदालतय् सुनुवाइ जुयाच्वंबलय् जोधपुर अदालतया पिने वया प्रसंशकतय् भीड जूगु खः । कडा सुरक्षाया दथुइ अदालतं थ्व फैसला न्यंकूगु खः । वया लिसें कृष्णसार स्याःगु द्वपं लानाच्वंपिं सैफ अलि खान, तब्बु, निलमलिसें प्यम्ह कलाकारतय्त धाःसा अदालतं सफाइ बिउगु दु ।
जोधपुर अदालतं सलमान खानयात थ्व अपराधय् झिद्वः दांया जरिवाना नं न्यंकूगु दु । आः सलमानयात जेलय् यंकीगु जूगु दु ।
५२ दँया सलमानं थ्व फैसला विरुद्ध च्वय्या अदालतय् पुनरावेदन यायेफइ । तर अथे खःसां छुं न्हि धाःसा जेलय् हे च्वनमालीगु खँ धाःगु दु ।

सम्बन्धित बुखँ

LEAVE YOUR COMMENTS