
येँ – श्रीखण्ड तरुमूल महाविहार (सिख्वंमू बहाः) ग्वसालय् वंगु थिंलाथ्व पुन्हि (यःमरिपुन्हि)कुन्हु धर्मदेशना ज्याझ्वः जुल । नेवाः समुदायया तःजिगु नखः यःमरिपुन्हिया लसताय् जूगु ज्याझ्वलय् नेवाः समुदाय दुने यःमरिया महत्वया बारे जानकारी बीगुलिसें धार्मिक पक्षयात कयाः धर्मदेशना ज्याझ्वः जूगु खः ।
ज्याझ्वलय् नेपाल वज्रयान महासंघया अध्यक्ष राजेन्द्रमान वज्राचार्यं धर्मदेशना बियादीगु ज्याझ्वलय् वय्कलं नेवाः समुदाय दुने यःमरिया महत्व, यःमरिपुन्ह्यिा थीथी पक्षयात कयाः जानकारी बियादीगु खः ।
थिंलाया चिकुसे च्वंगु मौसमया इलय् जुइफुगु थीथीकथं ल्वचं बचे जुइत यःमरि दयेकाः नयेगु नेवाःतय् विशेष प्रचलन दुगु जक मखसे नेवाः समुदाय दुने यःमरिया विशेष महत्व दुगु वय्कलं धयादिल । सिख्वंमू बहालय् थीथी नखःचखः, पर्व विशेषया इलय् थुकथंया ज्याझ्वः जुया वयाच्वंगु दु ।
LEAVE YOUR COMMENTS