किपुलिइ जनगणनासम्बन्धी सचेतना ¥याली

किपू – राष्ट्रिय जनगणना–२०७८ ताःलाकेत किपुलिइ छगू सचेतना ¥याली पिथन । किपू नगरपालिकाया ग्वसालय् ग्वसालय् राष्ट्रिय जनगणना शुरु जूगु दिं वंगु कात्तिक २५ गतेया हे न्हिकुन्हु लाकाः उगु सचेतना ¥याली पिथंगु खः ।

जनगणना कायेत छेँय् छेँय् वइपिं गणकतय्त सही विवरण व जानकारी उपलब्ध याकाः ग्वाहालि यायेत इनाप यासें नगरपालिकां उकथं जनगणना सम्बन्धी सचेतना ¥यालीया ग्वसाः ग्वःगु खः । राष्ट्रिय जनगणना शुरु जूगु कात्तिक २५ गते न्हापांगु दिं किपू नगरपालिकाया ज्याकू न्ह्यःने सकलें मुनाः सचेतना ¥यालीं नगर परिक्रमा याःगु खः ।

नगरपालिकाया प्रमुख प्रशासकीय अधिकृतलिसें राष्ट्रिय जनगणनाया निंतिं किपू नगरया संयोजकतकं जुयादीम्ह कृष्णप्रुसाद सापकोटापाखें लसकुस यासें न्ह्याःगु ¥याली वडा नं. ३ खाःसिबजाःस्थित महानगरीय प्रहरी वृत्तया ज्याकू न्ह्यःने थ्यंकाः क्वचाःगु खः ।
¥याली समापन ज्याझ्वलय् नवासें किपू नगरपालिकाया प्रमुख रमेश महर्जनं राष्ट्रिय जनगणना २०७८ सफल यायेत इनाप यानादिल ।

जनगणनाया तथ्यांक कायेत वइपिं गणकतय् सही तथ्यांक उपलब्ध याकाः सकसिनं थःथःगु थासं ग्वाहालि यायेत नं वय्कलं इनाप यानादिल ।

जनगणनाय् काइगु तथ्यांकया लिधंसाय् हे राष्ट्रिय व अन्तर्राष्ट्रियस्तारया पूर्वाधार विकास निर्माण, योजना कार्यान्वयन व नीति निर्माण याइगु जूगुलिं सकलें संवेदनशील जुइत नं वय्कलं नगरवासी सकसितं इनाप यानादिल ।

नगर प्रमुख महर्जनं नेवाःतय् बाहुल्यता दुगु किपुलिइ स्थानीयवासीं पुर्खाया भाय् व मांभाय्या महलय् ‘कोड नं ६’ तयेत व निगूगु भाय्या महलय् तामाङतय् बाहुल्यता दुगुलिं उगु भाय् च्वके फइगु नं धारणा तयादिल ।

ज्याझ्वलय् नगर उपप्रमुख सरस्वति खड्का व प्रमुख प्रशासकीय अधिृकत सापकोटां नं थःथःगु नुगःखँ तयादीगु खः । सरकारं थुगुसीया राष्ट्रिय जनगणना–२०७८या निंतिं ‘जिगु गणना, जिगु सहभागिता’ व ‘ुं नं त्वःमफिमा, सुं नं दोहरे मजुइमा’ धइगु मू नारा बियातःगु दु ।

सम्बन्धित बुखँ

LEAVE YOUR COMMENTS