तःकेहेंया मोडलिङ

बलिउड नायिका कट्रिना कैफया परिचय आवश्यकता मदु । तर इसाबेल धइम्ह सु खः धइगु बारे सीकेत यक्वसिनं उत्सुकता क्यंगु दयेमाः । कट्रिना व इसाबेल तःकेहें खः । कट्रिना बलिउड फिल्म उद्योगया छम्ह नांजाःम्ह नायिका खःसा इसाबेल धाःसा फिल्म ाः नं थःथःगु कथं अभिव्यक्ति बीगु याः ।

थुपिं निम्ह तःकेहें नं आः नकतिनि जक ‘ब्राइडस टुडे’ नांया छगू म्यागेजिनया निंतिं नापं मोडलिङ याःगु दु । गुगु मोडलिङया किपायात निम्हं तःकेहें नं थःथःगु ‘इन्स्टाग्राम’या अकाउन्टया कभर पेजय् सेयर याःगु दु । निम्हेसिगुं अकाउन्टय् आपालं प्रशंसकतय्सं किपायात च्वछाःगु नं दु । तर यक्वसिनं कट्रिना स्वयां इसाबेल हे बांलाःगु प्रतिक्रिया बिउगु दुसा गुलिसिनं ला इसाबेल कट्रिनाया फोटोकपि जूगु कमेन्ट तकं याःगु दु ।