
यल(नेपालभाषा टाइम्स)- नेपालभाषा सांगीतिक ख्यःया अतिकं नांजाःम्ह निशा देसारया न्हूगु म्येँ ‘झिंखुदँ दत’या म्युजिक भिडियो पिहां वःगु दु । वंगु विहीवाः थन जूगु छगू अनौपचारिक ज्याझ्वःया दथुइ म्युजिक भिडियो सार्वजनिक याःगु खः ।
जेनेक्स मिडिया नेपालया निंतिं सुजन वज्राचार्यं निर्देशन यानादीगु म्युजिक भिडियोय् म्येँ हालामि निशा देसारलिसें म्युजिक भिडियोया निर्मातानापंं म्येँ हालामि कृष्ण डंगोलं अभिनय यानादीगु दु ।
अथे हे उगु म्युजिक भिडियोय् अतिकं लोकंह्वाःगु ‘सालुगु गाचा’ म्येँया म्युजिक भिडियोय् अभिनय यानादीपिं मनोज महर्जन व नेरिसा महर्जन नं मोडल जुया म्हितादीगु दु ।
मदुम्ह विक्रम शाक्यं च्वयादीगु म्येँ नारायण बहादुर महर्जनं लसय् हनादीगु खःसा सुमन कपालीं संगीत संयोजन यानादीगु खः ।
म्युजिक भिडियोया छाँयाकन मोहनकुमार झिल्लु व सम्पादन अनिलकुमार महर्जनं यानादीगु खः ।
LEAVE YOUR COMMENTS