नक्सालय् रेनाेया शोरुम

रेनाे गाडीया नेपाःया निंतिं आधिकारिक वितरक एडभान्स अटोमोबाइल प्रा.लि (विशाल गु्रप अन्तर्गतया कम्पनीं) स्टेट अफ आर्ट शोरुम नामं नक्सालय् न्हूगु शोरुम चायेकूगु दु । रेनो गाडी यःपिं ग्राहकपिंसं थःगु लिक्क हे थःत यःगु रेना गाडी कायेफइमा धयागु ल्याखं नक्सालय् न्हूगु शोरुम चायेकूगु खः । थन न्हूगु गाडीया लिसें स्पेयर पार्टस व सर्भिस सहज रुपं कायेफइगु खँ धाःगु दु ।

शोरुमया उलेज्या एडभान्स अटोमोबाइल कम्पनीया प्रबन्ध निर्देशक निकुञ्ज अग्रवाल व रेनाया एक्स्पर्ट एण्ड विजनेश डेभलपमेन्ट प्रमुख नविन मिश्रां बुधवाः याःगु खः ।

उलेज्या यासें विजनेश डभेलपमन्ट प्रमुख नविन मिश्रां ग्राहकया माग अप्वया वःगुलि शोरुम विस्तारयाना यंकाच्वनागु खँ कनादिसें धयादिल, ‘नेपाःया उपभोक्तातय्सं रेनाप्रति सद्भाव क्यंगुलिं जिमिगु आत्मविश्वास अप्वयेकूगु दु । जिपिं ग्राहकतय्त सर्वोत्कृष्ट सेवा बीत तत्पर दु ।’
वय्कलं नेपाःया उपभोक्तातय् दथुइ रेना गाडी टप ३ य् लायेधुंकूगु खँ नं धयादीगु खः ।