एमसीसी विरुद्ध च्यागू दलया प्रदर्शन

येँ – अमेरिकी सहयोग परियोजना मिलेनियम च्यालेन्ज कम्प्याक्ट (एमसीसी) या विरोध थीथी च्यागू वामपन्थी पार्टीतय्सं बुधवाः राजधानी येँय् मंकाः प्रदर्शन याःगु दु । एमसीसी सम्झौता राष्ट्रघाती खः, उकिं थ्व पास याये दइ मखु धासें प्रदर्शनकारीतय्सं खबरदारी यायेत उगु प्रदर्शन याःगु खः ।

नेपाल कम्युनिष्ट पार्टी, नेकपा क्रान् ितकारी माओवादी, नेकपा वैज्ञानिक समाजवादी कम्युनिष्ट पार्टी नेपाल, नेकपा माओवादी केन्द्र समाजवादी, देशभक्त जनतान्त्रिक मोर्चा व राष्ट्रिय जनमोर्चां उगु प्रदर्शन याःगु खः । प्रदर्शनकारीतय्सं एमसीसी सम्झौता अनुमोदन याये मजिउ धकाः थीथी नारा च्वया तःगु प्लेकार्ड व ब्यानर नं ज्वनाः वःगु खः ।

येँया फिब्वख्यलंनिसें न्हू बानेश्वर तक जूगु उगु प्रदर्शन लिपा कोणसभा याःगु खः । कोणसभाय् थीथी राजनीतिक दलया नेतातय्सं सम्बोधन याःगु खः । म्हिगः प्रदर्शनया झ्वलय् सरकारं आपालं सुरक्षाकर्मी परिचालन याःगु खः । एमसीसी विरुद्ध देय्या मेमेगु नगरय् नं प्रदर्शन जुयाच्वंगु दु ।