मलद्वारय् सुचुका हःगु अवैध लुँ ज्वन

येँ – प्रहरीं त्रिभुवन अन्तर्राष्ट्रिय विमानस्थलं १ किलो १५५ ग्राम लुँ व प्यंगः मोबाइल सहित स्वम्हेसित ज्वंगु दु । ज्वंपिं सुनिलकुमार साह, नवराज परियार व दावा छिरिङ शेर्पा खः । हिमालय एयरलाइन्स व एयर अरेबियाया विमानं दुबई व शारजहांपाखें वःपिंत त्रिभुवन विमानस्थल सुरक्षा कार्यालयं विमानस्थलया आगमन टनेल गेटय् ज्वंगु खः । प्रहरीं साहपाखें प्यंगः आइफोन १३ प्रो म्याक्स, लुँयागु अंगू छपाः व सिखः बरामद याःगु खः ।

अथे हे परियारपाखें आइफोन १३ प्रो म्याक्स छगः व निपाः लुँया अंगू बरामद याःगु खः ।

उकथं हे शेर्पां मलद्वारय् सुचुका हःगु १ किलो १५५ ग्राम अर्धठोस लुँ नं प्रहरीं बरामद याःगु दु । ज्वंपिंत बरामद जूगु सामान सहित माःगु कारबाहीया नितिं त्रिभुवन अन्तर्राष्ट्रिय विमानस्थल भन्सार विभागय् छ्वयाबिउगु दु ।

सम्बन्धित बुखँ

LEAVE YOUR COMMENTS