बालाजुइ सतक पीडितया प्रदर्शन

येँ- बालाजुइ सतक विस्तार यायेगु नामय् थना छ्वःपिं स्थानीय ३९ गू परिवारयात पुनस्र्थापना यायेमाःगु माग यासें स्थानीय जनतां हानं आन्दोलन याःगु दु ।

बालाजुइ न्हापा उमिगु छेँ दुगु लागाय् हे च्वनाः सडक विस्तार पीडित संघर्ष समितिपाखें म्हीगंनिसें अन प्रदर्शन शुरु याःगु खः । संघर्ष समितिया कार्यकर्तातय्सं अन छेँ दुपिं स्थानीय जनतायात वहे थासय् पुनस्र्थापना यायेमाः धकाः लगायतया नारा च्वयातःगु थीथी ब्यानर व प्लेकार्ड नं ब्वयेगु ज्या याःगु खः ।

उगु थासय् छेँ दुपिं ३९ खा छेँयात जबर्जस्ती डोजर हयाः थुना बीधुंकाः स्थानीय जनता उकिया विरुद्ध सर्वोच्च अदालत वंगु खः । सर्वोच्चं छेँ थुनाः खाली जूगु थासय् आःयात छुं नं संरचना दयेके मतेनि धकाः अन्तरिम आदेश जारी याःसां नं सरकारं अन सूचना केन्द्र लगायत थीथी ज्याकू तयेगु धकाः निर्माण ज्या यानाच्वंगु जूगुलिं उकियात तुरुन्त दिकेगु लागिं थ्व प्रदर्शन यानागु खँ धाःगु दु । सरकारपाखें थ्व संरचना निर्माण यानाच्वंगु मदिकल धकाः थःपिंसं हानं आन्दोलन यायेगु ख्याच्वः संघर्ष समितिं बिउगु दु ।

सम्बन्धित बुखँ

LEAVE YOUR COMMENTS