स्वनिगलय् दकलय् अप्वः संक्रमित

येँ- वंगु २४ घौया दुने देय्न्यंकं ११६७ म्हेसिके कोरोना संक्रमण पुष्टि जूगु दु । २४ घौया दुने १२,६३२ म्हेसिके नमूना परीक्षण याःगु खः । वंगु २४ घौया दुने कोरोनां कयाः निम्ह मनू सीगु खँ स्वास्थ्य मन्त्रालयं धाःगु दु । आः तक नेपालय् कोरोनां कयाः सीपिं मनूतय् ल्याः ११ हजार ६०४ थ्यंगु दु । अथे हे २४ दुने २२४ म्ह कोरोना मुक्त जूगु दु । थ्व

नापं यानाः नेपालय् कोरोना जुयाः नं लंपिं विरामीया ल्याः ८ लाख १४,२३० म्ह थ्यंगु दु । हाल देय्न्यंकं न्यासःम्ह स्वयां अप्वः सक्रिय संक्रमित दुगु जिल्लात येँ, यल व ख्वप दु । अथे हे निसःम्ह स्वयां अप्वः कोरोना विरामी दुगु जिल्लात सुनसरी, कास्की, बाँके व कैलाली खः । मनाङ, मुस्ताङ व मुगुइ धाःसा छम्ह हे कोरोना विरामी मदु । स्वनिगःया स्वंगू जिल्ला मध्ये थौंकन्हय् येँय् २०९०, यलय् ८०३ व ख्वपय् ५८८ म्ह सक्रिय संक्रमित दुगु खँ नं मन्त्रालयं धाःगु दु ।