जर्मनीं ४१ लाख खोप बिल

येँ- जर्मन सरकारं नेपाःयात कोरोना भाइरसविरुद्धया ४१ लाख खोप ग्वाहालि बिउगु दु । कोभ्याक्स सुविधा अन्तर्गत नेपाःयात जर्मनीं ४१ लाख ४२ हजार २५० मात्रा खोप ग्वाहालि बिउगु खः । नेपाःयात बिउगु खोप मध्ये २१ लाख ७६ हजार ६५० मात्रा जोन्सन एण्ड जोन्सनयागु दुसा १९ लाख ६५ हजार ६०० मात्रा मोडर्नायागु दु ।

म्हिगः छगू ज्याझ्वःया दथुइ नेपाःया निंतिं जर्मनीया कार्यवाहक राजदूत डा. स्टेफन रसेकं स्वास्थ्य तथा जनसंख्या मन्त्री विरोध खतिवडायात खोप हस्तान्तरण याःगु खः ।