संघीय गठनबन्धनया समीक्षा मुँज्या

येँ – गु मुँज्याय् गठबन्धनय् आवद्ध न्हय्गुलिं जनजाति पार्टीया प्रतिनिधितय् उपस्थिति दुगु खः । मुँज्याय् पार्टीया भावी रणनीतियात कयाः वृहत रुपं सहलह जूगु खःसा जनजाति पार्टीत एकतावद्ध जुयाः वनेमाःगु खँय् बः बिउगु खः । लिसें उगु मुँज्याय् थीथी झिंछगू पार्टीं थीथी थासय् मंकाःकथं न्ह्याकूगु कोणसभा व आमसभायात कयाः नं समीक्षा याःगु खः ।

अथे हे उगु मुँज्याय् आः गठबन्धनं छगू चिं कयाः चुनावय् कुहां वयेगु विषययात कयाः नं बहस न्ह्याकूगु खः । थ्व स्वयां न्ह्यः नं गठबन्धनया मुँज्याय् आवंलि छगू हे चुनाव चिं कयाः चुनाव ल्वायेगु विषयय् बहस जुया वयाच्वंगु खः । मुँज्यां भानुराम थारुया नेतृत्वय् दुगु नेपाल लोकतान्त्रिक पार्टीयात नं गठबन्धनय् दुथ्याकेगु निर्णय याःगु खः ।

मुँज्याय् पुलांम्ह मंत्री व सभासद नापं लोकतान्त्रिक पार्टीया वरिष्ठ नेता शिवलाल थापा मगर खम्बुवान पार्टीया नायः पूर्व सभासद आर. के. खम्बु, लिम्बुवान पार्टीया नायः कुमार लिंगदेन मिराक, आदिवासी जनजातिया नायः बुद्धराज स्यांगतान, खसान संघर्ष समितिया संयोजक पे्रमबहादुर खाति व नेपाः पार्टीया केन्द्रीय दुजः ज्ञानेन्द्र लामाया नं उपस्थिति दुगु खः ।

 

सम्बन्धित बुखँ

LEAVE YOUR COMMENTS