खुया यंकूगु मूर्ति प्रतिस्थापन

यल- थनया पटको त्वालय् च्वंगु नारायण द्यःया देगलय् लक्ष्मी नारायणया मूर्ति प्रतिस्थापन याःगु दु । थनिं स्वीन्हय्दँ न्ह्यः पटको त्वालं खुया यंकूगु लक्ष्मी नारायण मूर्ति साविकया नारायण द्यःया देगलय् प्रतिस्थापन याःगु खः ।

सन् १९८४ लय् पटकोया नारायण द्यःया देगलं खुया यंकूगु लक्ष्मी नारायणया मूर्ति अमेरिकाय् थ्यनेधुंकूगु खः । झण्डै प्यंगू दशक लिपा अमेरिकां उगु मूर्ति लित हयाः साविकया हे देगलय् मूर्ति प्रतिस्थापन याःगु खः ।

विद्वान अन्वेशषक लैनसिंह वाङदेलं उगु मूर्ति खुया यंकूगु बारे थःगु कृतिइ न्ह्यथनादीगु खः । सन् १९८९ लय् पिहां वःगु अन्वेषक वाङदेलया ‘स्टोलन इमेजेज अफ नेपाल’ नांया कृतिइ उगु मूर्ति सन् १९८४ लय् खुया यंकूगु खँ न्ह्यथनातःगु खः ।

नेपालं खुया यंकाः अमेरिकाया छगू संग्रहालयय् तयातःगु मूर्ति वंगु चैत ३० गते नेपाः हःगु खः । ताःहाकःगु खोज, अनुसन्धन व कूटनीकि कुतः लिपा अमेरिकां उगु मूर्ति नेपाःयात लित बिउगु खः ।

सम्बन्धित बुखँ

LEAVE YOUR COMMENTS