दिल्लीइ दक्व स्कुल अनिश्चितकालया निंतिं बन्द

एजेन्सी- भारतया राजधानी दिल्लीइ वायु प्रदुषण अप्वगुलिं शुक्रवाः निसेंं दिल्लीइ च्वंगु दक्व स्कुल अनिश्चिकालया निंतिं बन्द याइगु जूगु दु । बिहिवाः दिल्लीया वातावरण मन्त्री गोपाल रायं शहरय् प्रदूषण अप्वया वंगुलिं थ्व निर्णय यायेमाःगु धाःगु दु ।

भारतया सर्वोच्च अदालतं वायु प्रदूषण जूसां मस्तय्त स्कूलय् वनेमाःगु यानातःगुलिं दिल्लीया मुख्यमन्त्री अरविन्द केजरीवालया आलोचना याःगु खः । अदालतं दिल्ली सरकारं वयष्कत छेँय् च्वनाः ज्या यानाच्वंगु, अले मस्त धाःसा स्कूल छाय् वनाच्वंगु धकाः न्ह्यसः तःगु खः । अदालतं केन्द्र सरकारयात वायु प्रदूषण नियन्त्रणया योजना हयाः याकनं कार्यान्वयन यायेत नं धाःगु दु ।

दिल्ली न्हियान्हिथं प्रदूषित जुयाच्वंगु दुसा नोभेम्बरय् वंगु खुदँ लिपा दकलय् अप्वः प्रदूषित जूगु खः ।