जनबहाःद्यः जात्राय् राष्ट्रपतियात ब्वनापौ

येँ (नेपालभाषा टाइम्स)- थ्वहे वइगु चैत १५ गतेनिसें न्ह्याइगु जनबहाःद्यःया जात्रा स्वयेगु लागिं राष्ट्रपति रामचन्द्र पौडेलयात ब्वनापौ छ्वःगु दु । जनबहाःद्यः जात्रा व्यवस्थापन समितिया पदाधिकारपिंसं शितल निवासय् राष्ट्रपति पौडेलयात नापलानाः ब्वनापौ लःल्हाःगु खः ।

व्यवस्थापन समितिया दुजःपिंसं धाः कथं राष्ट्रपति जनबहाःद्यः दर्शन यायेत झाइबलय् जात्राय् छुं लिच्वः मलायेमा धकाः वय्कःया लागिं बहनी ९ः३० बजेया ई मिले याःगु दु ।

उगु इलय् तक जात्राय् वइपिं मनूत सालुइ धुंकी । नापं राष्ट्रपतिया सवारी जुइबलय् द्यःयाथाय् देवा च्याकाच्वंपिं सुं हे भक्तजनयात मचीकुसे पुजाय् बाधा मयायेगु कथंया व्यवस्था यायेगु खँ नं धाःगु दु । थौंकन्हय् राष्ट्रपति पौडेल पिहां झाइबलय् लँ पनेगु, यातायात अवरुद्ध यायेगु, यक्व कारकेड हयेगु ज्या मयायेधुंकूगु दु ।

सम्बन्धित बुखँ

LEAVE YOUR COMMENTS