नेपाःया जनसंख्या म्हो जुइफुगु अनुमान

येँ- नेपाःया जनसंख्या म्हो जुयाच्वंगु अनुमान याःगु दु । सन्तान उत्पादन दर म्हो जुयाच्वंगुलिं जनसंख्या वृद्धिदर अप्वइगु सम्भावना मदुगु खँ केन्द्रीय तथ्यांक विभागं धाःगु दु । बिहीवाः क्वचाःगु जनगणना कथं नेपाःया मिसापिंसं औसतय् निम्ह मचा बुइकेगु यानाच्वंगु दु । वंगु कार्तिक २५ गतेनिसें मंसिर ९ गते तक जूगु जनगणना कथं प्रारम्भिक विश्लेषण याःगु खः ।

२०६८ सालया प्रक्षेपण कथं २०७८ साल तक छम्ह मिसां औसतय् २.१ म्ह मचा बुइकेमाःगु खः । तर जनगणनां औसत २ म्ह जक मचा बुइकेगु यानाच्वंगु खनेदुगु दु । विभागया कथं सन्तान बुइकेगु दर प्रदेश नम्बर २, कर्णाली प्रदेश व सुदूरपश्चिमय् औसत स्वयां अप्वः व बागमति प्रदेशय् औसत स्वयां म्हो जूगु लुइकूगु दु ।

बागमति प्रदेशय् औसत छम्ह मिसापाखें १.४ म्ह मचा बुइकेगु यानाच्वंगु दु ।
थुकिया आधारय् नेपालय् जनसंख्या २ करोड ८० लाखनिसें ३ करोडया दथुइ जक दइगु अनुमान विभागं याःगु दु । विभागया कथं जनसंख्याया प्रारम्भिक लिच्वः स्वलाया दुने वइसा पूवंक वयेत धाःसा निदँ ई काइगु खनेदु ।

सम्बन्धित बुखँ

LEAVE YOUR COMMENTS