ओलीं गणतन्त्र मदयेकेत्यंगु दाहालया द्वपं

येँ- माओवादी अध्यक्ष पुष्पकमल दाहालं एमालेअध्यक्ष केपी ओलीं गणतन्त्र सिधयेकेत स्वयाच्वंगु द्वपं बियादीगु दु । म्हिगः किपुली जूगु नेपाल संवत्या न्हूदँ ज्याझ्वलय् न्ववासें वय्कलं थ्व खँ धयादीगु खः । वय्कलं ओलीं छुं न्हि न्ह्यः पुलांम्ह जुजु ज्ञानेन्द्रया छुं मनूतय्त नापलानाः थःत न्हापांनिसें हे गणतन्त्र मयःगु व मौका चूलात धाःसा गणतन्त्र मदयेका छ्वये धाःगु द्वपं नं बियादिल । वय्कलंं धयादिल, ‘भचा जिपिं शिथिल जुल कि थ्व संविधान खुइगु, संघीय लोकतान्त्रिक गणतन्त्र ज्याख्यलय् मवः, थुकियात चीकेमाः धकाः वय्कः न्ह्याःवनाच्वंगु दु ।’