प्रधानमन्त्री ओलीया स्वास्थ्य स्थिर

येँ  – छातीइ संक्रमण खने दयेवं शिक्षण अस्पतालय् भर्ना जुयादीम्ह प्रधानमन्त्री केपी ओलीयात आः छुं न्हि अस्पतालया आईसीयुलय् तयाः वासः याइगु खँ चिकित्सकतय्सं धाःगु दु । वंगु शुक्रवाः सामान्य रुपं विरामी जुयादीम्ह प्रम ओलीयात म्हिगः सुथय् स्वास्थ्यस्थिति स्यनेवं ४ः३० बजे अस्पताल यंकूगु खः ।

चिकित्सकतय् कथं वय्कःया छातीया संक्रमण क्रमिक रुपं सुधार जुयाच्वंगु दुसा मेगु फुक्कं सामान्य दु । वय्कःया उपचारया निंतिं वरिष्ठ कार्डियोलोजिष्ट डा. अरुण साय्मिया संयोजकत्वय् निजी चिकित्सक डा. दिव्या सिंह व डा. सन्त दास दुथ्याःगु स्वम्हेसिया पुचः नीस्वंगु दु । डा. साय्मिया कथं वय्कःया सुगरया मात्र अस्पताल हःगु इलय् ३०० मिलिग्राम खनेदुगु खःसा आः बुलुहुँ म्हो जूगु दु ।

प्रम ओलीया स्वास्थ्य स्थिति सीकेत अध्यक्ष पुष्पकमल दाहाल, वरिष्ठ नेता माधवकुमार नेपाल लिसें विपक्षी नेता एवं नेपाली कांग्रेसया सभापति शेरबहादुर देउवा नं म्हिगः अस्पताल झाःगु खः ।

सम्बन्धित बुखँ

LEAVE YOUR COMMENTS