ने. सं. ११४६ चाैलागा चर्हे - मातातीर्थ चःह्रे

वीरगञ्ज भन्सारं आयात स्वयां निर्यात म्हो

येँ – देयया प्रमुख भन्सार नाका वीरगञ्ज भन्सार नाकां दकलय् म्हो जक सामान निर्यात जुयाच्वंगु दु । भारत व स्वंगूगु मुलुकं तःधंगु परिमाणय् मालवस्तु आयात जुइगु भन्सार नाकां निर्यातया दर धाःसां न्हिथँ कुहां वनाच्वंगु दु । वीरगञ्ज भन्सार नाकां चालु आवया च्यालाया दुने वंगु आवया तुलनाय् ३२ गुणां अप्वः आयात अप्वःगु दुसा निर्यात धाःसा २३ प्रतिशतं कुहां वंगु दु । वंगु आवय् वीरगञ्ज भन्सार नाकां २ खर्ब १५ अर्ब ४६ करोड ८६ लाख तकाया वस्तु आयात जूगु खः । आलु आवया उगु हे ईया दुने २० प्रतिशत अप्वः अथे धयागु ४३ अर्ब ५३ करोड २ लाख तकाया अप्वः सामान आयात जूगु दु । वंगु आवया साउननिसें फागुन तक १० अर्ब १० करोड २९ लाखया थीथी वस्तु निर्यात जूगु खःसा चालु आवया उगु हे ईया दुने २३ प्रतिशत अथे धइगु २ अर्ब २९ करोड ७५ लाखया तकाया जक निर्यात जूगु दु ।