
एजेन्सी- माल्दिभ्सय् जुयाच्वंगु साफ च्याम्पियनसिपय् सोमवाः नेपालं थःगु निगूगु कासा म्हितेत्यंगु दु । सोमवाः नेपालं श्रीलंकालिसें धेंधेंबल्ला याइ । नेपाः व श्रीलंका दथुइ आःतक झिंन्हय्कः धेंधेंबल्ला जूगु दु । नेपालं श्रीलंकायात स्वक बुकूगु दसा खुक्वः श्रीलंकां नेपाःयात बुकूगु दु । च्याक्व नेपाः व श्रीलंकां बराबरी म्हितूगु दु । नेपाःया ईकथं कासा ९ः४५ ताः इलय् जुइ । सोमवाः हे भारत व बंगलादेश दथुइ मेगु कासा जुइ ।
साफ च्याम्पियनसिपया न्हापांगु कासाय् नेपालं साविक विजेता व ग्वसाः देय् माल्दिभ्सयात बुकूगु खः । मनिष डाँगीया उत्कृष्ट गोलं नेपालं माल्दिभ्सयात १–० गोलं बुकूगु खः । मनिष डाँगीं स्वम्ह डिफेन्डरतय्त बिट यानाः गोल याःगु खः । शुक्रवाः हे जूगु मेगु कासाय् श्रीलंका धाःसा बंगलादेशनाप १–० गोलं बूगु खः ।
LEAVE YOUR COMMENTS