ने. सं. ११४६ अनलाथ्व पुन्हि -

ख्वपया निगू नपाय् स्कूल चाल, निगुली मोहनी लिपा

ख्वप – ख्वप जिल्लाया थीथी नगरपालिका मध्ये ख्वप नगरपालिका व चाँगुनारायण नगरपालिकाया स्कूलत चायेकेगु सुरु जूगु दु । ख्वप व चाँगुनारायण नगरपालिकां स्कूल चायेकेगु स्वीकृति बीवं थन विद्यार्थीतय् भौतिक रुपं उपस्थितिइ ब्वंकेगु सुरु जूगु खः ।

मेखे ख्वप जिल्लाया हे सूर्यविनायक नगरपालिकाय् धाःसा मोहनी लिपा व थिमि नगरपालिकाय् धाःसा स्वन्ति लिपा जक स्कूल चायेके बीगुजूगु दु । सूर्य विनायकय आः विद्यार्थीतय् भौतिक उपस्थितिइ जाँच कायेके बिउगु दुसा मोहनी लिपा ८ निसें १० तक कक्षा चायेकेबीगु व स्वन्ति लिपा फुक्कं तगिंया कक्षा संचालन याकेबीगु धाःगु दु ।

मध्यपुर थिमि नगरपालिकाय् धाःसा फुक्क तगिंया कक्षा स्वन्ति लिपा हे जक चायेकेबीगु जूगु दु ।