ने. सं. ११४६ अनलागा सप्तमी -

धलय् कुतुं वंम्ह मचाया सीम्ह यलय् लुल

येँ – येँया कपनय् धलय् कुतुं वनाः बेपत्ता जूम्ह मचाया सीम्ह यलय् लूगु दु । यल व मकवानपुर जिल्लाया सीमा क्षेत्रय् लाःगु बागमति गाउँपालिका–१ घुसेलय् शनिवाः चान्हय् मचाया सीम्ह लूगु खँ यलया प्रहरी प्रमुख किरण वज्राचार्यं कनादीगु दु । मचाया सनाखत जुइधुंकूगु दु । सीम्ह मचा झिदँ दुम्ह उज्ज्वल विक खः । वंगु मंगलवाः वा वयाच्वंगु इलय् विक कपनय् धलय् कुतुं वंगु खःसा वयात मालेत तुरुन्त धः चायेकूगु खःसां मचा धाःसा लुइके मफुगु खः ।