ताइवानयात अमेरिकां सुरक्षा बीः– बाइडेन

एजेन्सी- अमेरिकाया राष्ट्रपति जो बाइडेनं चीनं ताइवानय् आक्रमण यात धाःसा अमेरिकां ताइवानयात सुरक्षा बिइ धाःगु दु । बाइडेनं ताइवानया रक्षाया निंतिं थःपिं प्रतिवद्ध दु धकाः धाःगु खः । छगू ज्याझ्वलय् पत्रकारतय्सं चीनं ताइवानय् आक्रमण यात धाःसा अमेरिकां छु याइ धयागु न्ह्यसः तःबलय् बाइडेनं थ्व प्रतिक्रिया बिउगु खः ।

बाइडेनया थ्व प्रतिक्रिया लिपा ह्वाटस हाउसं अमेरिकाया ताइवान नीतिइ हिउपा वःगुकथं मकायेत स्पष्ट याःगु दु । ताइवानया रक्षायात कयाः अमेरिकां ‘रणनैतिक अस्पष्टता’ नीति नालाकया वयाच्वंगु खः । थुकिया अर्थ चीनं ताइवानय् आक्रमण यात धाःसा अमेरिकां छुं यायेगु धयागु खँय् चायेकचायेक हे स्पष्ट मजुयाच्वंगु खः ।

चीनं ताइवानयात थःगु प्रान्तकथं कयाच्वंगु दु, अले माःसा शक्ति छ्यलाः ताइवानयात थःपिनिगु मातहतय् हयेफु धयाच्वंगु दु । ताइवानं धाःसा थःपिंत सार्र्वभौसत्ता राष्ट्र धयावयाच्वंगु दु ।

बाइडेनं चीनलिसे अन्तर्राष्ट्रिय द्वन्द्व याये माःसां चिन्तित मजुयागु नं धाःगु खः । ‘अमेरिकायाके विश्वया इतिहासय् शतिmशाली सेना दुगु खँ चीन, रुस व विश्वं सिउ’ बाइडेनं धाःगु दु । ताइवान व अमेरिकाया दथुइ कुटनीतिक स्वापू मदुसां अमेरिकां ताइवानयात थीथी ल्वाभः धाःसा मियावयाच्वंगु दु ।

सम्बन्धित बुखँ

LEAVE YOUR COMMENTS