‘ओली कम्युनिष्ट मखु, हिन्दू अतिवादी खः’

येँ- नेकपा माओवादी केन्द्रया अध्यक्ष पुष्पकमल दाहालं प्रमुख प्रतिपक्षी दल नेकपा एमालेया अध्यक्ष केपी ओली सामन्ती हिन्दू अतिवादी जूगु द्वपं बियादीगु दु । पाँचखालय् वाईसीएलं ग्वसाः ग्वःगु ज्याझ्वलय् न्ववासें वय्कलं ओलीयात माक्र्सवादी मजूगु द्वपं समेत बियादिल ।

ओली प्रवृत्तियात बारे थम्हं तत्कालीन नेकपाय् राजनीतिक प्रतिवेदन न्ह्यब्वयागु धासें दाहालं धयादिल, ‘ओली प्रवृत्ति विचाःया ल्याखं कम्युनिष्ट मखु, माक्र्सवादी मखु, थ्व सामन्ती हिन्दू अतिवादी खः, पशुपतिइ जलहरी छाःगु ला न्यनादिल जुइ, जिगु निर्वाचन क्षेत्रय् राम सीता हनुमान द्यः थापना याःगु दु, कम्युनिष्टं थज्याःगु ज्या याइ ला ?’