ने. सं. ११४३ तछलाथ्व दशमी -

स्थापितयात सिरपाः

येँ -वरिष्ठ पत्रकार राजेन्द्र स्थापितयात थुगुसीया ‘ज्ञानज्योति लक्ष्मीप्रभा स्मृति सिरपाः’ लःल्हाइगु जूगु दु । अथेहे फोटो पत्रकार रेखा शाक्ययात ‘बाबुराजा ज्यापु फोटो पत्रकारिता सिरपाः’, पत्रकार कृष्ण किसियात ‘ज्ञानदेवी मणिरत्न स्मृति पत्रकारिता सिरपाः’ व बोधी टिभीयात ‘भिक्षु कुमार काश्यप स्मृति पत्रकारिता पुरस्कार’ लःल्हाइगु जूगु दु । नेवाः पत्रकार राष्ट्रिय दबुलिं बिया वयाच्वंगु थ्व सिरपाः थुगुसी दबूया च्याक्वःगु दँमुँज्याया झ्वलय् शुक्रवाः लःल्हाइगु जूगु दु ।