प्राविधिक शिक्षायात कयाः अन्तक्र्रिया

ख्वप –  नेपाल पत्रकार महासंघ ख्वप शाखाया ग्वसालय् प्राविधिक शिक्षा विषययात कयाः छगू अन्तक्र्रिया ज्याझ्वः जुल । प्राविधिक शिक्षा तथा व्यावसायिक तालिम परिषद् (सिटिइभिटी)या ग्वाहालिइ ‘प्राविधिक शिक्षा तथा व्यावसायिक तालिमया विकास व विस्तारय् संचारकःमितय् भूमिका’ विषयय् उगु अन्तक्र्रिया ज्याझ्वः जूगु खः ।

ज्याझ्वलय् सिटिइभिटीया तालिम संयोजक प्रमोदभक्त आचार्यं अर्ध दक्ष प्राविधिक तयार यानाः देश–विदेशय लखौं जनशक्ति तयार यानाः वयाच्वंसां संस्थाया बारे संचारमाध्यमय् बांलाक प्रचार मजुयाच्वंगु खँ न्ह्यथनादिल । वय्कलं लखौंलख जनशक्ति तयार यायेगु याना वयाच्वंसां संचारमाध्यमपाखें गुलि प्रचार जुइमाःगु खः उलि मजुयाच्वंगुलिं हे थःपिंसं थुकथंया ज्याझ्वः यायेत ग्वाहालि यानागु खः धयादिल ।

वय्कलं थौंकन्हय् संस्थापाखें २९२ गू स्थानीय तहय् थीथी स्कुल व प्राविधिक तालिम केन्द्र चले याना वयाच्वनागु नं जानकारी बियादिल ।
संस्थाया अधिकृत डा. पुष्परमण वाग्लें सकलें मनूत दक्वं विषयय् दक्ष वा पोख्त जुइ धइगु मदु धासें संस्थाय् वयाः तालिम कयाः दक्ष जुइत इनाप यानादिल ।

वय्कलं थःगु संस्थाय् वयाः तालिम कयाः दक्ष जुइत इनाप यासें ‘झासँ, तालिम कयादिसँ अले कमे यानाः ध्यबा पुलादिसँ’ धइगु थःपिनिगु धारणा दुगुलिं उकथां तालिम याना वयाच्वनागु जानकारी बियादिल । नापं वय्कलं वइगु फागुन १२ गते संस्थां थःगु बुदिं हनेगु निंतिं तयारी यानाच्वनागु नं जानकारी बियादिल ।

नेपला पत्रकार महासंघ ख्वप कचाया नायः पुष्कर बुढाथोकीया सभापतित्वय् जूगु ज्याझ्वलय् संघा सहसचिव सुन्दर शिल्पकारं लसकुस यानादीगु खःसा वरिष्ठ पत्रकार बद्री तिवारीं नं थःगु नुगःखँ तयादीगु खः ।

 

सम्बन्धित बुखँ

LEAVE YOUR COMMENTS