यँयाःया लसताय् किपू सिगिंङ आइडल

किपू- किपू नगरपालिकाया ग्वसालय् किपूया ल्याय्म्हतय्त सांगीतिक क्षेत्रय् आकर्षित यायेगु ल्याखं ‘किपू सि·िङ आइडल–११४२’ जुइगु जूगु दु । ‘किपू सि·िङ आइडल यायेगु ल्याखं छुं दिं न्ह्यः जक किपू नगरपालिकाया प्रमुख रमेश महर्जनं किपूया संगीतकर्मितलिसे छगू सहलह यासें ‘किपू सिंगिङ आइडल–११४२ यायेगु निर्णय याःगु खः ।

वइगु नेपाल संवत् ११४२ न्हूदँया लसताय् जुइगु ‘किपू सि·िङ आइडल’ गायन काासाय् १४ दँनिसें ३० दँतकया पिंसं ब्वति काये फइगु किपू नगरपालिकां न्ह्यथंगु दु । कासाय् ब्वति काइपिं कासामिपिंसं स्वंगू भाय्या म्येँ दुथ्याके फइगु व्यवस्था याःगु दु । कासाय् ब्वति काइपिंसं नेपालभाषा, तामाङ व खस् नेपालीमध्ये गुगुं छगू भाय्या म्येँ दुथ्याके फइगु व उकिया निंतिं याकनं नां दुथ्याकेत नं नगरपालिकां इनाप याःगु दु ।

नगरपालिकायाकथं थ्व हे कौलाथ्व पुन्हि (कात्तिक ३) बुधवाः तकया दुने नां दुथ्याके फइ । स्वंगू चरणय् जुइगु कासा अन्तर्गत ने.सं. ११४२ न्हूदँ कुन्हु न्हापागु चरणया कासा न्ह्याकेगु व स्वंगूगु चरणया कासा छगू तःजिगु ज्याझ्वः यानाः उकुन्हु हे सिरपाः नं लःल्हायेगु खँ धाःगु दु ।

किपू नगरपालिकाया ग्वसालय् किपू सिंगिङ आइडल ज्याझ्वः ताःलाकेया नितिं नांजाःम्ह संगीतकर्मि हरिशरण साय्मिया संयोजकत्वय् छगू समिति नं गठन याःगु दु । समितिइ किपू नगरपालिका सामाजिक विकास शाखाया प्रमुख अनुज प्रधान सदस्य सचिव व मुँज्याय् ब्वति कयादीपिं संगीतकर्मि सकलें व्यवस्थापन समितिया दुजलय् च्वनादीगु दु ।

ज्याझ्वः यायेगु निंतिं च्वंगु मुँज्याय् किपूया नांजाःपिं संगीतकःमिपिं गुज्ये मालाकार, तीर्थ माली, ज्ञानेश्वर निभाः, हरिशरण साय्मि, सतिश महर्जन, रजनी मिला, दीपा महर्जन, ललेन्द्र शाक्य, राजु महर्जन, विश्व नेपालीपिनिगु सहभागिता दुगु खः ।