फिल्म सोसाइटीया च्याक्वःगु साधारणसभा

येँ- नेवाः फिल्म सोसाइटीया च्याक्वःगु वार्षिक साधारणसभा व निक्वःगु अधिवेशन जुल । सोसाइटीया नायः लूजःसिंहया अध्यक्षताय् जूगु अधिवशेनं न्हूगु ज्यासना पुचः नं ल्यःगु खः ।

न्हापांगु सत्रय् आदिवासी जनजाति चलचित्र महासंघया अध्यक्ष अमृत सुनुवारं मातृभाषाी संकिपाया निंतिं प्रदेश सरकारं योजना हयेमाःगु खँ धयादिल । वय्कलं नेपालभाषा संकिपाया विकासया निंतिं बागमति प्रदेश सरकारं नं योजना हयेमाःगु खँय् बः बियादिल ।
ज्याझ्वलय् वरिष्ठ सिने पत्रकार विजयरत्न असंबरे, वरिष्ठ कलाकार राजेन्द्रमान शाक्य, पर्यटन बोर्डया दूत चिरन शाक्य लगायतं नुगःखँ तयादीगु खः ।

अधिवेशनं विराजकाजी राजोपाध्यायया अध्यक्षताय् झिंछम्हेसिया न्हूगु ज्यासना पुचः नं ल्यःगु खः । ज्यासना पुचलय् दर्शनवीर शाक्य उपाध्यक्ष, आभाष राजोपाध्याय महासचिव, रोहन श्रेष्ठ सचिव व सुनिता श्रेष्ठ कोषाध्यक्षय् ल्यःगु दु ।

सोसाइटीया दुजलय् रुपेन्द्रकुमार श्रेष्ठ, राजन शाही, राकेश प्रधाना·, विशाल राजभण्डारी, कृष्णशोभा महर्जन व रोजिना सुवालयात ल्यःगु दु ।