सांस्कृतिक नगरय् संस्कृतिविद् जोशीया अभिनन्दन
ख्वप- संस्कृतिविद् लिसें वाङ्मय शताब्दीपुरुष सत्यमोहन जोशीयात म्हीग शुक्रवाः ख्वपय् तःजिक हनेज्या जुल । उगु ज्याझ्वः सत्यमोहन जोशी नागरिक अभिनन्दन समारोह समिति ख्वपं याःगु खः । अभिनन्दन ज्याझ्वलय् वय्कलं थुगु सम्मान थःगु सम्मान मखुसें भाषा, कला व संस्कृति लागायात याःगु सम्मान जूगु खँ कनादिल ।
कला, संस्कृति व सम्पदा संरक्षणय् सकल नेतातय्गु मनय् निभाः त्वयेमा धइगु विश्वास यानादिसें शताब्दीपुरुष जोशीं धयादिल, ‘भाषा, साहित्य व संस्कृतिया उत्थानया लागिं राजनीतिइ नं जागरण वयेमा, समृद्ध नेपाः ततःधंगु भवन दयां जक जुइ मखु, संस्कृति संरक्षण मजुइकं समृद्ध नेपाल सम्भव मदु ।’
पूर्र्खां दयेकातःगु कला व संस्कृतिइ च्वनाः थुइकाः संरक्षण यायेत आग्रह यानादिसें वय्कलं ख्वपयात अध्ययन व अनुसन्धानया केन्द्र दयेके माःगु खँय् बः बियादिल । वरिष्ठ पत्रकार भैरव रिसालं संस्कृति सम्पदाया विद्वताया धरोहर
जोशी नेपालभाषा, साहित्य व संस्कृतिइ नेपाः देय्या हे प्रतीक खः धयादिल ।
शताब्दी पुरुष सत्यमोहन जोशी नागरिक अभिनन्दन समारोह समिति ख्वपया अध्यक्ष नरेन्द्रभक्त हाडाया सभापतित्वय् जूगु उगु ज्याझ्वलय् साहित्यकार तिलकप्रकाश कायस्थ, त्रिरत्न शाक्य, महेन्द्रगोपाल कर्माचार्य लगायतं शताब्दीपुरुष जोशीया योगदान बारे कनादिल । ज्याझ्वलय् साहित्यकार तेजेश्वरबाबु ग्वंगः, रमापतिराज शर्मा, श्रीगोपाल प्रजापति, पूर्णबहादुरु वैद्य व कैलाशभक्त प्रधानांगपिसं अभिनन्दन यानादीगु खः । अभिनन्दन याये न्ह्यः ख्वपया दतात्रयं तःजिगु सांस्कृतिक ¥याली यानाः ख्वप नगर चाःहिउगु खः । वयां न्ह्यः मध्यपुर थिमिया बाहाखा बजारं छगू तःजिगु सांस्कृतिक ¥याली यानाः मेयर मदनसुन्दर श्रेष्ठया नेतत्वय् नगर चाःहिलाः शंखधर चोक तक वयाःलि अनंनिसें गाडीइ स्कर्टिङ यानाः ख्वपय् हःगु खः ।
LEAVE YOUR COMMENTS