ओलीया राजदूतत लित सःतल
येँ ( शेरबहादुर देउवाया सरकारं पुलांम्ह प्रधानमन्त्री केपी शर्मा ओलीया पालय् नियुक्त यानातःपिं राजदूततय्त लित सःतेगु निर्णय याःगु दु । म्हिगः च्वंगु मन्त्रिपरिषदया बैठकं राजनीतिक रुपं नियुक्त जूपिं राजदूतयात लितः सःतेगु निर्णय याःगु खँ कानुन, न्याय तथा संसदीय मामिला मन्त्री ज्ञानेन्द्रबहादुर कार्कीं कनादिल ।
पत्रकारत लिसे खँ ल्हायेगु झ्वलय् मन्त्री कार्कीं धयादिल, ‘राजनीतिक रुपं नियुक्त जूपिं फुक्कं राजदूत लित सःतेगु निर्णय जूगु दु ।’ सरकारया निर्णय लिपा अमेरिकाया नितिं नेपाःया राजदूत युवराज खतिवडा लगायत मेगु देशय् राजदूत नियुक्त जूपिं लिहां वयेमालीगु जूगु दु । राजदूत खतिवडा संविधान कथं अर्थमन्त्री जुइ मखनेवं तत्कालीन प्रधानमन्त्री केपी ओलीं अमेरिकाया नितिं राजदूत दयेकूगु खः ।
LEAVE YOUR COMMENTS