म्हिगः छन्हुं न्याद्वः न्हूपिं संक्रमित थप

येँ – म्हिगः जक नेपाःन्यंक ४९६१ म्ह कोरोना संक्रमित थपे जूगु दु । पीसीआर व एन्टिजेन विधिं १५ हजार १३१ म्हेसिके परीक्षण याःबलय् थुलि संक्रमित पिहां वःगु खँ स्वास्थ्य तथा जनसंख्या मन्त्रालयं धाःगु दु ।

मन्त्रालयया कथं १३ हजार ५६२ म्हेसिया पीसीआर परीक्षणय् ५५३४ म्ह व २५६९ म्हेसिया एन्टिजेन परीक्षणय् ४२७ म्ह संक्रमित खनेदुगु खः । थुकिया लिसें नेपालय् संक्रिय संक्रमितया ल्याः २५ हजार ६८० थ्यंगु दु । उकथं हे म्हिगः वासः यानाः लंपिं मनूतय् ल्याः ४३५ म्ह दुसा स्वम्ह सीगु दु ।

थ्वहे झ्वलय् सरकारं अग्रपंक्तिइ च्वनाः मनूतय्त नियमित सेवा बीपिं व्यवसायिक क्षेत्रया कर्मचारीतय्सं आः वालय् निक्वः कोरोना परीक्षण यायेमालीगु नियम दयेकूगु दु । एन्टिजेन परीक्षणय् रिपोर्ट नेगेटिभ वःपिं कर्मचारीयात जक सम्बन्धित निकाय वा संस्थां ज्याय् खटे यायेमाः । कर्मचारीया एन्टिजेन परीक्षणया व्यवस्था सम्बन्धित निकायं वा संस्था थम्हं यायेमाः ।

थ्वहे झ्वलय् सरकारं कोरोना संक्रमणया लक्षण दुपिं आः अनिवार्य रुपं न्यान्हु तक क्वारेन्टिनय् च्वनेमाःगु व्यवस्था याःगु दु । न्यान्हु क्वारेन्टिनय् च्वनेधुंकाःपरीक्षणया रिपोर्ट नेगेटिभ वःपिं जक ज्याय् वने दइ धाःगु दु ।

सम्बन्धित बुखँ

LEAVE YOUR COMMENTS