बुटवल मेयरयात स्थानीयया मुक्का

येँ-बुटवल उपमहानगरपालिकाया मेयर शिवराज सुवेदीयात स्थानीय मनूतय्सं मुक्का नकूगु दु । अन चलः वंगु थाय्या अव–लोकन याः वंम्ह मेयर सुवेदीयात स्थानीय मनूतय्सं आक्रोशित जुसें हातपात समेत याःगु खःसा वहे इलय् छम्ह मनुखं न्ह्यःने वनाः मुक्का नकूगु खः । मुक्का नकूम्ह गणेश पंगेनी नांया छम्ह ल्याय्म्हयात प्रहरीं म्हिगः बहनी हे ज्वंगु दु ।

मेयर सुवेदीयात हातपात यानाः मुक्का प्रहार याःगु खँय् अनया एमाले पार्टी कमिटीं छगू विज्ञप्ति जारी यासें घटनाया विरोध समेत याःगु दु । चलः वनाः पीडित जूपिं मनूतय् उद्धारया लागिं कुतः यानाच्वंम्ह मेयर सुवेदीयात अथे दुव्र्यवहार याःगु निश्चत नं दुःखया खँ खः धासें एमाले पार्टी कमिटीं मेयरयात हातपात याःपिं ज्वनाः कारवाही याये माःगु माग समेत याःगु दु ।

मेख बुटवलया प्रहरीं धाःसां अन स्थिति छुं भचा उत्तेजित जूगु खःसां मेयरयात मुक्का प्रहार धाःसा मजूगु खँ धाःगु दु । मुक्का प्रहार याःम्ह मनूयात प्रहरीं पना बिउगु खःसा उगु इलय् निम्ह मनूत बँय् ग्वारातूगु खँ धाःगु दु । स्थानीय मनूतय््सं चलः वनं नं मेयरं छुं ज्या मयाः धासें आक्रोशित जुसें मेयरयात आक्रोश प्वंकूगु खः ।

नेपालभाषा टाइम्स

च्वमिया मेमेगु

• तोखाया धर्म संस्कृति सम्बन्धी सफू
• यःसिं हनुमानध्वाखा थ्यन
• देय दबूया स्वीक्वःगु बुसादँ हन
• आः लाइसेन्सया पलेसा क्युआर कोर्ड दुगु रसिद
• माओवादीपाखें नं खुसि मापदण्डया विरोध