परियत्तिइ ताःलाःपिंत सिरपाः व दसिपौ

येँ- जगतसुन्दर ब्वनेकुथिइ परियत्ति शिक्षाय् ताःलाःपिंत छगू ज्याझ्वःया दथुइ सिरपाः व दसिपौ लःल्हायेगु ज्या जुल । थनया लखुतीर्थय् च्वंगु ब्वनेकुथिपाखें विद्यार्थीतय्त लक्षित यानाः न्ह्याका वयाच्वंगु परियत्तिइ ताःलाःपिंत सिरपाः व दसिपौ लःल्हाःगु खः ।

ब्वनेकुथि संचालक समितिया दुजः संस्कृतिविद् प्रा. डा. चुन्दा वज्राचार्यया सभापतित्वय् जूगु ज्याझ्वलय् मूपाहांकथं युवा बौद्ध समूह येँया नायः मदन बहादुर तुलाधर झायादीगु खः ।
ज्याझ्वलय् जगतसुन्दर परियत्तिया केन्द्राध्यक्ष माया मानन्धर, बौद्ध विद्वान प्रा. डा. त्रिरत्न मानन्धर, जगतसुुन्दर परियत्ति अक्षय कोषया दाता राधिका मानन्धर पाहांकथं झायादीगु खः ।
परियत्तिइ ताःलाःपिंत मूपाहां, पाहांपिंसं दसिपौ लःल्हानादीगु खःसा दातापाखें दां सिरपाः लःल्हानादीगु खः ।

ज्याझ्वलय् मूपाहांकथं झायादीम्ह तुलाधरं आकिवंनिसें ब्वनेकुथिया परियत्ति केन्द्रपाखें उत्कृष्ट ल्याः हःपिं न्याम्हेसित म्हतिं निद्वः, निद्वःतका दां सिरपाः बीगु नं घोषणा यानादीगु ख ः।