एटलेटिको स्वंगूगु थासय्

म्याड्रिड (एजेन्सी) – एटलेटिको म्याड्रिडं शनिवा: बहनि रियल भालाडोलिडयात १-० बुकल । थ्व कासा लिपा एटलेटिको स्पेनी ला लिगाया स्वंगूगु थासय् थ्यनेत सफल जुल । कासाया निर्णायक गोल सब्टिच्युट भिटोलों हेडपाखें या:गु ख: । ‘भार’ या निर्णय लिपा जक वया गोलं मान्यता कायेखंगु ख: । थ्व कासा त्यायेवं एटलेटिकोया ३० कासापाखें ५२ ल्या: जूगु दु । भालाडोलिड धा:सा ३३ ल्याखय् १५ गु थासय् दु । शनिवा:या मेगु कासाय् एथलेटिको बिलबाओं रियल बेटिसयात १-० व लेभान्टें स्पनयोलयात ३-१ बुकल । गेटाफे व आइबरया कासा १-१ या बराबरी क्वचाल ।