मिस्तय् फुटबल टिम उज्वेकिस्तानपाखे

येँ – नेपाःया महिला राष्ट्रिय फुटबल टिम सोमवाः बहनिइ ११ बजे उज्वेकिस्तान वंगु दु । एएफसी महिला एसियन छनोट कासा म्हितेत नेपाली टिम उज्वेकिस्तान वंगु खः । समुह एफय् दुगु नेपालं उज्वेकिस्तानया जेएआर रंगशालाय् फिलिपिन्स व हङकङलिसे म्हिती । नेपालं न्हापांगु कासा असोज २ गते फिलिपिन्सनाप व असोज ५ गते हङकङनाप म्हिती । हङकङ व फिलिपिन्स दथुया कासा असोज ८ गते जुइ । पुचःया शीर्ष थासय् लाःगु टिमं एसिया कपय् म्हिते खनी । एसिया कप जनवरी २० तारिख निसें भारतय् जुइगु ज्याझ्वः दु ।

नेपालं छनोट कासा म्हितःवने न्ह्यः नेपाःया दशरथ रंगशालाय् बंगलदेशलिसे निगू मैत्रीपूर्ण कासा म्हितूगु खः । न्हापांगु कासाय् नेपालं बंगलादेशयात २–१ गोलं बुकूगु खःसा निगूगु कासा गोलरहित बराबरीइ क्वचाःगु खः ।

सम्बन्धित बुखँ

LEAVE YOUR COMMENTS