सरकारया विज्ञप्तियात आयोगया आपत्ति

येँ -दार्चुलाया जयसिंह धामी प्रकरण व मित्रराष्ट्रतय् ग्वाहालिइ न्ह्यानाच्वंगु विकास योजना लगायतया विषयय् जुयाच्वंगु आन्दोलनयात लक्षित यासें सरकारं पिथंगु विज्ञप्तिप्रति राष्ट्रिय मानव अधिकार आयोगं थःपिनि ध्यानाकर्षण जूगु खँ धाःगु दु ।

सरकारं पिकाःगु उगु विज्ञप्ति संविधानया धारा १७, माधव अधिकार विश्वव्यापी घोषणा पत्र १९४८ या धारा १९, नागरिक व राजनीतिक अधिकार सम्बन्धी अन्तर्राष्ट्रिय महासन्धिया धारा १९ या अःखः जूगु खँ आयोगं विज्ञप्तिइ न्ह्यथनातःगु दु ।