ने. सं. ११४६ चाैलागा त्रयोदशी - थिमि बालकुमारी जात्रा

प्रमं ‘र’ नापलाःगु मदु

येँ – प्रधानमन्त्री केपी ओलीं भारतीय गुप्तचर संस्था ‘र’ या प्रमुखयात नापमलाःगु खँ सञ्चारमन्त्री लिसें सरकारया प्रवक्ता गोकुल बास्कोटां धयादीगु दु । म्हिगः मन्त्रिपरिषद बैठकया निर्णय सार्वजनिक यायेत ग्वसाः ग्वःगु पत्रकार सम्मेलनय् वय्कलं थ्व खँ धयादीगु खः ।

‘यदि नापलाःगु खःसा कुटनीतिक प्रोटोकल कथं नापलाःगु जुइफु, प्रधानमन्त्रीं नापलाःगु मदु, ¥युमर क्रिएट यायेगु ज्या मयाये । सुनां सुयात नापलात जिमिसं मसिउ । नाप लाये मजिउ धइगु नं जिमित मताः । जिं दाबी यानाः धायेफु, सम्माननीय प्रधानमन्त्रीं नापलाःगु मदु’ वय्कलं धयादिल ।

वय्कलं प्रधानमन्त्रीं नापलाःगु खः धइगु पुष्टि यायेगु खःसा तथ्य प्रमाण सहित वयेत हाथ्या बिसें धयादिल, ‘र’ प्रमुखयात नापलायेवं सुं ‘र’ पक्षधर जुइमखु सुनांं लघुताभाषी मान्यता मतयेत नं इनाप याये ।’ ‘र’या प्रमुख सामन्त गोयल नेतृत्वया पुचः शनिवाः नेपाः वयाः थीथी नेतातय्त नापलाःगु खँ पिहां वःगु खः ।