किपूया युद्ध स्मारक पार्क अन्तिम चरणय्

किपू -किपू नगरपालिका वडा नं. १० निर्माण जुयाच्वंगु ‘किपू युद्ध स्मारक पार्क’ अन्तिम चरणय् थ्यंगु दु । किपू देय्या हे गौरवया आयोजनाकथं कयातःगु पार्क निर्माणया ज्या थौंकन्हय् धमाधम जुयाच्वंगु दु ।

तत्कालीन गोरखाया जुजु पृथ्वीनारायण शाहं स्वनिगः आक्रमण याःगु इलय् किपूमितय्सं वीरतापूर्वक ल्वाःगु इतिहासयात लुमंकेकथं व उगु इलय् जूगु लडाइँया लु पिब्वयेकथं पार्क निर्माण याःगु खः ।
पार्कया निंतिं नांजाःपिं कलाकारतय्सं युद्धकालीन ई पिज्वइकथंया कार्यशाला हे यानाः मूर्ति निर्माण याःगु खः । निर्माणया करिब लिपांगु चरणय् थ्यनाच्वंगु पार्कय् थौंकन्हय् दथु दथुइ लँ निर्माण यायेगु ज्या जुयाच्वंगु दुसा थाय्थासय् च्वने छिंक मैदानत नं दयेकेगु ज्या धमाधम जुयाच्वंगु दु ।

किपू नगरपालिकाया प्रमुख प्रशासकीय अधिकृत कृष्णप्रसाद सापकोटालिसें नगर प्रमुखया सचिवालयय पदाधिकारीपिंसं छुं दिं न्ह्यः जक निर्मााणाधीन उगु पार्कया स्थलगत निरीक्षण व अवलोकन यानादीगु खः ।