कोरोना संक्रमणया कारणं अर्घाखाँचीया छम्ह सित

येँ – कोरोना भाइरसया संक्रमणया कारणं अर्घाखाँचीया ५७दँया मिजं सीगु पुष्टि जूगु दु । स्वास्थ्य तथा जनसंख्या मन्त्रालयया प्रवत्ता डा. जागेश्वर गौतमं अर्घाखाँची मालारानीया छेँ जुम्ह मनू सीगु जानकारी बियादिल । थ्व नापं नेपालय् कोरोना संक्रमणया कारणं सीपिनि ल्याः १६म्ह थ्यंगु दु ।

अर्घाखाँचीया मालारानी गाँउपालिकाया क्वारेन्टाइनय् च्वना बुधवाः छेँ लिहांवनाच्वंगु इलय् उम्ह मनू सीगु खः । उम्ह मनूया पीसीआर रिपोर्ट जेठ २९ गते वःगु खः । भारतं लिहांवयेधुंकाः सासः ल्हायेथाकूगु समस्या जूगुलिं मगंलवाः जिल्ला अस्पताल सन्धिखर्कय् वंगु खःसा अन सामान्य वासः याकः छेँ लिहांवःगु खः ।