पूर्ण वैद्य लुमंकाः भर्चुयल बिचाः मुँज्या जुइगु

येँ- मदुम्ह आधुनिक कवि पूर्ण वैद्यया लुमंतिइ नेपालभाषा एकेडेमिपाखें बिचाः मुँज्या याइगु जूगु दु । थ्वहे वइगु शनिवाः एकेडेमिपाखें वय्कःया लुमंतिइ भर्चुयल माध्यमं बिचाः मुँज्या यायेत्यंगु खः । मुँज्याय् कवि वैद्यया समकालीन लिसें वय्कःलिसे सतीपिं साहित्यकारपिंसं नुगःखँ प्वंकादीगु खँ धाःगु दु ।

थ्वहे झ्वलय् ‘लिजः’ नेपालभाषा कविता दबूपाखें नायः नविन चित्रकारं छगू वक्तव्य पिकासें थःपिनि सल्लाहकार समेत जुयादीम्ह कवि वैद्यया निधनं नेपालभाषा काव्य ख्यलय् तःधंगु क्षति जूगु खँ धयादीगु दु ।