ने. सं. ११४६ बछलागा पञ्चमी -

थुगुसी न्यायेकीगु यँयाःया साइत पिहां वल

येँ – नेपाल पञ्चाङ्ग निर्णायक विकास समितिं थुगुसी न्यायेकीगु यँयाःया साइत पित बिउगु दु । समितिं पित बिउगु साइत कथं थ्वहे वइगु भदौ २३ गते सुथय् १०ः५२ बजे यःसिं कायेगु लागिं वन प्रस्थान जुइ । वकुन्हु हे बहनी ७ः२७ बजे सिमा पालेगु शुरु जुइसा भदौ २९ गते सुथय् १०ः३४ बजे यःसिंयात नगर प्रवेश याकी ।

समितिं असोज २ गते शनिवाः सुथय् ६ः५१ बजे यःसिं थनीगु साइत पित बिउगु दु । असोज ३ गते कुमारीया रथ क्वःने सालीसा असोज ४ गते थःने साली । असोज ८ गते शुक्रवाः बहनी १०ः३६ बजे यःसिं क्वःथली ।

यःसिं क्वःथलेवं उगु दँया यँयाः क्वचाइ । कोरोना महामारीया कारणं थगुने यँयाः मन्यायेकूगु खःसां थुगुसी धाःसा जात्रा न्यायेकेगु कथं तयारी न्ह्यानाच्वंगु दु । थुकिया लागिं इन्द्रजात्रा व्यवस्थापन समितिपाखें माःगु पहल यानाच्वंगु खँ नं सीदुगु दु ।