बालेनया समर्थनय् नारा थ्वयेकूम्हेसित दाया छ्वत

येँ (नेपालभाषा टाइम्स)( संविधान दिवसया लसताय् येँया दरबारमार्गय् जूगु ‘नेशनल डे कन्सर्ट’ झ्वलय् बालेन साहया समर्थनय् नाराबाजी याःम्ह छम्ह समर्थकयात भीडय् दाया छ्वःगु दु । म्हिगः न्हिनय् ज्याझ्वः न्ह्यायेवं छम्ह ल्याय्म्हं भीडय् च्वनाः ‘बालेन ! बालेन !’ धकाः नारा लगे याःगु खःसा वयात अन हे प्यम्ह न्याम्हेस्यां दाःगु खः ।

प्रत्यक्षदर्शीतय्सं धाः कथं उम्ह ल्याय्म्हयात म्होति नं न्याम्ह खुम्हेस्यां दाःगु खः । बालेन समर्थकयात दाःपिं ल्याय्म्हत अनं तुरुन्त हे पिहां वंगु खः । संविधान दिवसया लसताय् नागरिकस्तरं ग्वसाः ग्वःगु कन्सर्टय् आपालं ल्याय्म्हतय्सं राष्ट्रिय ध्वाँय् सहित ब्वति काःगु खः ।

लुमंकेबहः जू, बसन्तपुलिइ नं यँयाः जात्राया झ्वलय् ‘बालेन सिटी’ धकाः च्वयातःगु टीशर्ट पुना वःपिं छथ्वः ल्याय्म्हतय्त प्रहरीं ज्वनाः अलग्ग तयातःगु खः ।

नेपालभाषा टाइम्स

च्वमिया मेमेगु

• वतु त्वालय् दन्त शिविर
• पासा पुचः गुथि लन्दनया न्हूधाः
• ज्यापु समाजया निर्वतमान नायः तीर्थलालया अबु मंत
• ‘मौसम पूर्वानुमानयात गम्भीर रुपं मकाःगुलिं यक्व क्षति जूगु खः’ – वरिष्ठ माैसमविद् मणिरत्न शाक्य
• नखःचखःया दिं कायेत झीगु संस्कृतिया मौलिक परम्परा म्हसीकेमाल