फिब्व ख्यलय् थारु आन्दोलनकारी धर्ना

येँ – थरुहट थारुवान आन्दोलनया खुदँ क्यंगु झ्वलय् लाकाः थारु आन्दोलनकारीतय्सं येँया फिब्व ख्यलय् प्रदर्शन याःगु दु । थरुहट, थारुवान राष्ट्रिय मोर्चाया ग्वसालय् बुधवाःनिसें न्ह्यानाच्वंगु प्रदर्शन थौं तक जारी जुइगु खँ ग्वसाः खलकं धाःगु दु । प्रदर्शनया झ्वलय् प्रदर्शनय् ब्वति काःपिंसं सांसद रेशम चौधरीयात त्वःतेमाःगु, गिरिशचन्द लाल नेतृत्वया आयोगया प्रतिवेदन सार्वजनिक यायेमाःगु, टिकापुर घटनाय् दोषी ठहर जुयाः जेलय् च्वंपिंत त्वःतेमाःगु माग याःगु दु । प्रदर्शनया झ्वलय् कविता वाचन यायेगु लिसें शिल्पी थिएटरं नाटक नं क्यंगु खः । प्रदर्शनया झ्वलय् नागरिक आन्दोलनया न्ह्यलुवापिसं नं ब्वति काःगु खः ।

अथे हे मेखे अनलाइन क्लासया नामय् अनावश्यक रुपं अप्वः शुल्क काःगु धासें निजी इन्जिनीयरिङ कलेजया विद्यार्थीतय्सं म्हिगः प्रदर्शन याःगु दु । उमिसं म्हिगः येँया न्हू बानेश्वरंनिसें फिब्व ख्यलय्् तक ¥याली सहित विरोध प्रदर्शन याःगु खः । विद्यार्थीतय्सं इन्जिनीयरिङ कलेजं थःगु व्यापार अप्वयेकेत विद्यार्थी– याके थिकेगु शुल्क कयाः दलाली याःगु द्वपं नं बिउगु दु । कोरोना महामारीया इलय् विद्यार्थी मारय् लाइ कथं ध्यबा म्होपिं कलेजयात कारबाही यायेत नं प्रदर्शनकारीतय्सं इन्जिनीयरिङ अध्ययन संस्थानयात माग याःगु दु ।

अनलाइन क्लासया नामय् निला तक भिडियो क्यनाः विद्यार्थीपाखें छगूत्या लाख असुले याःगु प्रदर्शनकारीया धापू दु ।