माधव नेपालया ‘पार्टी’ नं गठन जुइ न्ह्यः हे विभाजित

येँ– एमालेया वरिष्ठ नेता माधव नेपालं न्हूगु पार्टी गठन याइगु जुइवं वय्कःया पार्टी दर्ता जुइ न्ह्यः हे विभाजन नं जूगु दु । छुं ई न्ह्यः तक वय्कःलिसे हे जानाः एमाले अध्यक्ष केपी ओलीलिसे ल्वानाच्वंपिं निगूगु पुस्ताया नेतात पार्टी हे विभाजित जुइवं धाःसा नेपालया साथ त्वःताः अलग जूगु दु

। एमालेया निगूगु तहया नेतात मध्ये उपाध्यक्ष भीम रावल, उपमहासचिव घनश्याम भुसाल, सचिव गोकर्ण विष्ट, स्थायी कमिटीया दुजः सुरेन्द्र पाण्डे, योगेश भट्टराईपिं न्हूगु पार्टीइ मवनीगु जूगु दु । वय्कःपिसं अझ नं पार्टी एकताया पक्षय् दुगु धासें थःपिं आःया नितिं निगुलिं पार्टीइ मवनेगु खँ धाःगु दु । माधव नेपालं न्हूगु पार्टी गठन यात धाःसा उकी थः नं वने धाःम्ह नेता वामदेव गौतम नं माधव नेपालया पार्टीइ वंगु मदु । आः नापं मवःपिं नेतातलिसे बांलाःगु हे स्वापू दयाच्वनीगु खँ नेपाल पक्षं धाःगु दु ।ं

नेपालभाषा टाइम्स

च्वमिया मेमेगु

• संविधान संशोधनया निंतिं नेवाःतपाखें सुझाव
• बौद्ध विद्वानलिसें चचा प्याखं गुरु वज्राचार्ययात तःजिगु हना
• लिपि गुथिया रञ्जना लिपि किपा च्वज्या कासा
• विराटया चिधं दबुलिइ प्रदीप शाक्य
• ‘भाषा ऐन हयेत पाय्‌छिकथं ज्या जुयाच्वंगु मदु’